அதிகாரிகளை பதவி நீக்கும் பிரேரணை நிறைவேற்றப்பட்டது!

இலங்கை கிரிக்கெட் நிறுவனத்தின் தலைவர் மற்றும் அதிகாரிகள் குழுவை நீக்குவது தொடர்பான பிரேரணை நாடாளுமன்றத்தில் நிறைவேற்றப்பட்டுள்ளது.

இந்தப் பிரேரணை மீதான விவாதம் நாடாளுமன்றத்தில் இன்று(09.11.2023) காலை முதல் இடம்பெற்று, மாலை நிறைவேற்றப்பட்டது.

இந்தப் பிரேரணை எதிர்க்கட்சித் தலைவர் சஜித் பிரேமதாசவினால் முன்வைக்கப்பட்டதுடன், அரசாங்கத்தின் சார்பில் அமைச்சர் நிமல் சிறிபால டி சில்வாவினால் வழிமொழியப்பட்டு பின்னர் அது விவாதத்திற்கு எடுத்துக் கொள்ளப்பட்டது.

ஊழல், மோசடியுடன் தொடர்புடைய இலங்கை கிரிக்கெட் சபையின் தலைவர் உள்ளிட்ட அதிகாரிகள் பதவி நீக்கப்பட வேண்டும் என கொண்டு வரப்பட்ட இந்தப் பிரேரணை ஏகமனதாக நிறைவேற்றப்பட்டது.