பொது நிறுவனங்களுக்கான குழு (கோப்) அதன் தலைவர் தொடர்பான பிரச்சினைகள் தீர்க்கப்படும் வரை கூட்டப்படாது என சபாநாயகர் தெரிவித்தார்.
இந்நிலையில், இன்று பிற்பகல் 1 மணிக்கு திட்டமிடப்பட்ட கோப் கூட்டம் இரத்து செய்யப்பட்டுள்ளதாகவும் அவர் தெரிவித்தார்.
கடந்த 14 ஆம் திகதி இடம்பெற்ற கூட்டத்தில் கோப் குழுவின் தலைவர் ரஞ்சித் பண்டாரவின் மகன் பிரசன்னமானது நாடாளுமன்றத்தில் பேசுபொருளாகியது.
இதனை தொடர்ந்து ரஞ்சித் பண்டாரவின் மகன் குழுவின் கடைசி கூட்டத்தில் பிரசன்னமானது தவறு என சுட்டிக்காட்டிய சபாநாயகர் மகிந்த யாப்பா அபேவர்தன, இந்த விடயம் தொடர்பில் ஆராயப்படும் என உறுதியளித்துள்ளார்.
இந்தநிலையில், கோப் குழுவின் தலைவர் தொடர்பான பிரச்சினைகள் தீர்க்கப்படும் வரை விசாரணை குழு கூட்டப்படாது என சபாநாயகர் தெரிவித்துள்ளார்.
