மட்டக்களப்பில் போதைபொருளுடன் நால்வர் கைது; நீதிமன்றம் பிறப்பித்துள்ள உத்தரவு!

மட்டக்களப்பு – காத்தான்குடி பிரதேசத்தில் ஜஸ் போதைபொருளுடன் கைது செய்யப்பட்ட பொலிஸ் கான்ஸ்டபிள் ஒருவர் உட்பட 4 பேரில் 2 பேரை 14 நாட்கள் விளக்கமறியலில் வைக்குமாறு மட்டக்களப்பு நீதவான் நீதிமன்ற நீதவான் உத்தரவிட்டுள்ளார்.

இதேவேளை பொலிஸ் உத்தியோகத்தர் மற்றும் பிரதான சந்தேகநபர் இருவரையும் எதிர்வரும் முதலாம் திகதிவரை பொலிஸ் தடுப்பு காவலில் வைத்து விசாரணை செய்ய உத்தரவு பிறப்பிக்கப்பட்டுள்ளது.

இந்த உத்தரவு நேற்று (27.11.2023) பிறப்பிக்கப்பட்டுள்ளது.

மாவட்ட குற்ற விசாரணைப் பிரிவு பொலிஸாருக்கு கிடைத்த தகவல் ஒன்றிணையடுத்து கடந்த (26.11.2023) ஆம் திகதி அதிகாலை காத்தான்குடி பிரதேசத்தில் வைத்து பிரதான வியாபாரியான பாயிஸ் 72 கிராமுடனும் அவரது உதவியாளர் 13 கிராமுடனும் 25 கிராமுடன் காத்தான்குடி பொலிஸ் நிலையத்தில் கடமையாற்றிவரும் பொலிஸ் உத்தியோகத்தர்10 கிராமுடன் மேலும் 4 பேரை 120 கிராம்; ஜஸ் போதை பொருளுடன் பொலிஸார் கைது செய்தனர்.

இதில் கைது செய்யப்பட்ட 4 பேரையும் மட்டக்களப்பு நீதவான் நீதிமன்ற நீதவான் முன்னிலையில் முன்னிலைப்படுத்தியபோது பொலிஸார் பிரதான வியாபாரி மற்றும் பொலிஸ் உத்தியோகத்தர் ஆகிய இருவரையும் பொலிஸ் தடுப்பு காவலில் வைத்து விசாரணை செய்ய அனுமதி கோரியதையடுத்து இருவரையும் எதிர்வரும் முதலாம் திகதிவரை தடுப்பு காவலில் வைத்து விசாரணை செய்ய அனுமதி வழங்கப்பட்டுள்ளது.

மேலும் ஏனைய இருவரையும் எதிர்வரும் 11 ம் திகதிவரை 14 நாட்கள் விளக்கமறியலில் வைக்குமாறு நீதவான் உத்தரவிட்டுள்ளார்.