சிவகங்கை மாவட்டம் திருப்புவனம் அருகே கீழடியில் அகழாய்வு பணி 2015ஆம் ஆண்டு
தொடங்கி தொடர்ந்து நடை பெற்று வருகிறது. இதுவரை 8 கட்ட அகழாய்வுப் பணிகள் நடைபெற்றுள்ளன. மத்திய தொல்லியல் துறை 3 முறையும் தமிழக தொல்லியல்துறை 5 முறையும் அகழாய் வுப் பணிகளை மேற்கொண்டுள்ளன.
அகழாய்வு மூலம் கிடைத்த பல ஆயிரம் தொல் பொருட்களைப் மக்கள் பார்வையிடும்
வகையில் 18.46 கோடி (இந்திய) ரூபாயில் கொந்தகையில் கீழடி அகழ் வைப்பகம் கட்டப்பட்டு அதை மார்ச் 5இல் முதல்வர் ஸ்டாலின் திறந்து வைத்தார்.
இந்நிலையில், கீழடி 9-ம் கட்ட அகழாய்வுப் பணியை முதல்வர் ஸ்டாலின் இன்று சென்னை தலைமைச் செயலகத்தில் இருந்து காணொலி மூலம் தொடங்கி வைக்கிறார். கீழடி, அகரம், கொந்தகை என 3 இடங்களில் ஆய்வுகள் நடைபெறவுள்ளன.
