நாடாளுமன்றத்தில் நேற்று (11) சமர்ப்பிக்கப்பட்ட வற் வரி திருத்த சட்டம் 45 மேலதிக வாக்குகளினால் நிறைவேற்றப்பட்டது.
குறித்த சட்டத்தில் பல பொருட்கள் மற்றும் சேவைகளுக்கு விலக்களிப்பு வழங்கப்பட்டுள்ளது.
கோதுமை மற்றும் கோதுமை மா, குழந்தை பால் மா, அரிசி, அரிசி மா மற்றும் பாண் ஆகியவை வற் வரியிலிருந்து விலக்கு அளிக்கப்பட்ட பொருட்களில் சேர்க்கப்பட்டுள்ளன.
மின்சாரம் மற்றும் மின்சார விநியோகம், கச்சா எண்ணெய், மண்ணெண்ணெய், அழகுசாதனப் பொருட்கள், மருந்துப் பொருட்கள், ஆகியவற்றுக்கு வற் வரியில் இருந்து விலக்கு அளிக்கப்பட்டுள்ளது.
மேலும், சக்கர நாற்காலிகள், ஊன்றுகோல், மற்றும் காது கேட்கும் கருவிகளுக்கும் வற் இல் இருந்து விலக்கு அளிக்கப்பட்டுள்ளது.
மருத்துவமனை அறைக் கட்டணம் தவிர மருத்துவமனை பராமரிப்பு சேவைகள், ரசாயன உரங்கள் தவிர மற்ற உரங்கள் மற்றும் கைத்தறி ஆடைகளும் வற் வரியில் இருந்து விலக்கு அளிக்கப்பட்டுள்ளது.
மேலும், சுற்றுலா போக்குவரத்து வாகனங்கள் தவிர, பொது போக்குவரத்து சேவைகள் மற்றும் நிதி சேவைகள் ஆகியவையும் வற் வரியில் இருந்து விலக்கு அளிக்கப்பட்டுள்ளது.
