பொலன்னறுவை தியபெதும பிரதேசத்தில் மூன்று வயது சிறுமியின் கையில் தீயால் சூடுவைத்த குற்றச்சாட்டில் இராணுவ சிப்பாய் ஒருவர் பொலிஸாரால் கைது செய்யப்பட்டுள்ளார்.
கைதுசெய்யப்பட்டவர் சிறுமியின் தந்தையின் இளைய சகோதரனாவார்.
பாதிக்கப்பட்ட சிறுமியின் தாய் பொலிஸாருக்கு வழங்கிய முறைப்பாட்டின் பேரில் குறித்த நபர் கைது செய்யப்பட்டுள்ளார்.
விசாரணையில் இவர் குறித்த சிறுமி செய்த தவறொன்றிற்காக கையில் தீயால் சூடுவைத்து சிறுமியை அச்சுறுத்த முயற்பட்ட போது சிறுமியின் கை தீயில் பட்டதில் சிறுமி காயமடைந்துள்ளதாக பொலிஸாருக்கு தெரிவித்துள்ளார்.
கைதுசெய்யப்பட்டவர் நேற்று புதன்கிழமை (13) நீதிமன்றத்தில் ஆஜர்ப்படுத்தப்படவுள்ளதாக பொலிஸார் தெரிவித்தனர்.
இந்த சம்பவம் தொடர்பான மேலதிக விசாரணைகளை பொலிஸார் மேற்கொண்டு வருகின்றனர்.
