இன்றையதினம் மண்முனைப்பற்று பிரதேச செயலகப் பிரிவிற்குட்பட்ட மாவிலங்குதுறை கிராமத்தில் வெள்ளத்தால் பாதிக்கப்பட்ட தேவைப்பாடுடைய மக்களுக்கு உலர் உணவுப்பொருட்கள் வழங்கி வைக்கப்பட்டன. 3500 ரூபா பெறுமதியான பொதிகள் 32 வறிய குடும்பங்களுக்கு வழங்கி வைக்கப்பட்டன. இந்நிகழ்வு பிரதேச செயலகத்தின் ஒருங்கிணைப்பில் கீழ் கிராம சேவக உத்தியோகத்தர், பொருளாதார அபிவிருத்தி உத்தியோகத்தர்களின் ஏற்பாட்டின் கீழ் ஒழுங்கு படுத்தப்பட்டிருந்தது. இந்நிகழ்விற்கு பிரான்ஸ் தமிழ் வர்த்தக சங்கம் நிதியுதவியினை வழங்கியிருந்தது. இந்நிகழ்வின் இணைப்பாளர்களாக தீபாகரன், பிருந்தாபன், தரணிராஜ் மற்றும் அஜந்தன் ஆகியோர் கலந்து கொண்டிருந்தனர்.
மேலும் ஆலய தலைவரும் அபிவிருத்தி உத்தியோகத்தருமான கேதீஸ்வரன் மற்றும் சமூக சேவகர்களான முத்துக்குமார், ஜெயசந்திரன் ஆகியோரும் கலந்து கொண்டிருந்தனர்.
