பெறுமதி சேர் வரியை திருத்தியமைக்க அரசு முடிவு செய்துள்ளதுடன், நேற்று (01) முதல் தொலைத்தொடர்பு சேவைகளில் அதிகரிக்கப்பட்ட பெறுமதி சேர் வரி சேர்க்கப்படும் என தொலைபேசி நிறுவனங்கள் தெரிவிக்கின்றன.
தற்போதைய 15 வீத பெறுமதி சேர் வரியை நேற்று முதல் 18 வீதமாக அதிகரிக்க அரசாங்கம் நடவடிக்கை எடுத்துள்ளதுடன், இதன் காரணமாக தொலைத்தொடர்பு சேவைகளுக்கான கட்டணம் 3 வீதத்தால் அதிகரிக்கப்படும் என குறிப்பிடப்பட்டுள்ளது.
இதன்படி, அழைப்புக் கட்டணம், இணையச் சேவைக் கட்டணம், கட்டணத் தொலைக்காட்சி சேவைக் கட்டணம் போன்ற அனைத்து சேவைகளுக்கும் அறவிடப்படும் கட்டணங்கள் அதிகரிக்கப்படும் என தொலைபேசி நிறுவனங்கள் அறிவித்துள்ளன.
சில ப்ரீபெய்ட் கார்டுகளுக்கான கட்டணங்கள் அதிகரிக்கப்படவில்லை என்பதோடு, வழங்கப்பட்ட டேட்டா கோட்டாவை குறைக்க நடவடிக்கை எடுக்கப்பட்டுள்ளது.
