வடகிழக்கில் முதன்முதலாக வெல்த் கோப் வங்கியின் கிளை, நேற்று மட்டக்களப்பு செங்கலடியில் திறந்து வைக்கப்பட்டது.
வெல்த் கோப் வங்கியின் தலைவர் தேசகீர்த்தி மொகோட்டடி தலைமையில் இடம்பெற்ற நிகழ்வில், இராஜாங்க அமைச்சர் சதாசிவம் வியாழேந்திரன் பிரதம அதிதியாக கலந்து
கொண்டார்.
தென்மாகாணங்களில் காணப்படும் இவ் வங்கியானது முதல் தடவையாக வடகிழக்கு மாகாணங்களில், அதிலும் குறிப்பாக மட்டக்களப்பு செங்கலடியில் திறந்து வைக்கப்பட்டுள்ளது.
மேலும் இந்த வங்கி கிளைகள் மட்டக்களப்பு மாவட்டம் உட்பட கிழக்கின் பல இடங்களில் திறந்து வைக்கப்பட உள்ளதாக இராஜாங்க அமைச்சர் தெரிவித்தார். கிராமிய மட்டத்தில் தொழில்துறையினையும் கிராமிய பொருளாதாரத்தினை மேம்படுத்தும் வகையிலும், கூட்டுறவு சங்கங்களின் செயற்பாடுகளை இணைப்பதற்காகவும் இந்த வங்கிகள் திறந்து வைக்கப்படுகிறது.
நிகழ்வில் பிரதம நிறைவேற்று அதிகாரி காஞ்சன பபசர மனஞ்சேன, வங்கி ஊழியர்கள் உள்ளிட்ட பலர் கலந்து கொண்டனர்.
