தொடர் மழை காரணமாக அம்பாறை ரம்புக்கன் ஓயாவின் வான்கதவுகள் திறக்கப்பட்டுள்ளமையாலும், ருகம் குளம் மற்றும் மாவடி ஓடை அணைக்கட்டில் நீர்மட்டம் வேகமாக அதிகரித்து வருகின்ற காரணத்தினாலும் செங்கலடி சித்தாண்டி பகுதியில் வெள்ளம் ஏற்படும் நிலைமை காணப்படுகிறது.
இதேவேளை 4 மணி நேரத்தில் சித்தாண்டி பகுதியில் நீர்மட்டம் உயரும் நிலை காணப்படுவதனால், அப்பிரதேச மக்கள் மேலும் அவதானமாக இருக்கும்படி கேட்டுக்கொள்ளப்படுகின்றனர்.
உன்னிச்சை குளத்தின் மூன்று வான்கதவுகள் மற்றும், நவகிரி குளத்தின் வான் கதவுகள் திறக்கப்பட்டுள்ளமையால் அப்பிரதேச விவசாய நிலங்கள் மற்றும் அப்பிரதேச மக்கள் பாதிக்கப்படக்கூடிய நிலைமை காணப்படுவதால் அப்பிரதேச மக்களும் அவதானமாக இருக்குமாறு மட்டக்களப்பு மாவட்ட அனர்த்த முகாமைத்துவ பிரிவு கேட்டுக்கொண்டுள்ளது.
