ஸ்ரீ ராமகிருஷ்ண மிஷன் நூற்றாண்டு நிறைவு விழா தொடரை ஆரம்பிக்கும் முகமாக நேற்று திங்கட்கிழமை (2024.01.01) மட்டக்களப்பு புதிய கல்லடிப் பாலத்திற்கு அருகாமையில் இராம கிருஷ்ண மிஷனை ஸ்தாபித்த வீரத்துறவி சுவாமி விவேகானந்தருக்கு சிலை அமைக்க அடிக்கல் நாட்டப்பட்டது.
மட்டக்களப்பு ராமகிருஷ்ண மிஷன் பொது முகாமையாளர் ஸ்ரீமத் சுவாமி நீல மாதவானந்தா மஹராஜ் அவர்களின் தலைமையில் அடிக்கல் நடும் விழா சிறப்பாக இடம்பெற்றது. நேற்று ராமகிருஷ்ண பகவானின் கல்ப தரு தினம் என்பது விசேட அம்சமாகும் . வரலாற்று முக்கியத்துவம் வாய்ந்த இந் நிகழ்வில் முன்னாள் மாநகர சபை மேயர் தியாகராஜா சரவணபவன் கலந்துகொண்டிருந்தமை குறிப்பிடத்தக்கது.
