சீரற்ற காலநிலை காரணமாக, மட்டக்களப்பு மாவட்டத்தில் பல இடங்களில் வெள்ளம் ஏற்பட்டுள்ளதுடன் வீடுகளும் வெள்ளத்தில் மூழ்கியுள்ளன.
இராஜாங்க அமைச்சர் சிவநேசதுரை சந்திரகாந்தனின் பணிப்புரைக்கமைய, தமிழ் மக்கள் விடுதலைப் புலிகள் கட்சியின் பிரதேச மட்டக் குழுக்கள், வெள்ளத்தினால் பாதிக்கப்பட்ட பகுதிகளில் வெள்ள நீரை வெளியேற்றுவதற்குரிய நடவடிக்கைகளை முன்னெடுத்துள்ளனர்.
களுதாவளை, களுவாஞ்சிகுடிப் பிரதேசங்களில் பல ஏக்கர் விவசாய நிலங்களும் வெள்ளத்தில் மூழ்கியுள்ளதுடன், களுதாவளைப் பிரதேச சபையின் ஒத்துழைப்போடு வெள்ள நீரினை துரிதமாக வெளியேற்றும் நடவடிக்கைகள் முன்னெடுக்கப்படுகின்றன.
