கிழக்கு மாகாண ஆளுனர் செந்தில் தொண்டமான் மற்றும் வர்த்தக வாணிப இராஜங்க அமைச்சர் சதாசிவம் வியாழேந்திரன் உள்ளிட்ட உயரதிகாரிகள் குழுவொன்று மட்டக்களப்பு மாவட்டத்தில் வெள்ளத்தால் பாதிக்கப்பட்ட மக்கள் தங்க வைக்கப்பட்டுள்ள இடைத்தங்கல் முகாங்களுக்கு விஜயம் மேற்கொண்டனர்.
மட்டக்களப்பு மாவட்ட அரசாங்க அதிபர் ஜே.ஜே முரளிதரனின் தலைமை மற்றும் ஆலோசனை வழிகாட்டலுடன் வழிநடாத்தப்படும், சித்தாண்டி விநாயகர் கிராம அலைமகள்
வித்தியாலயம், வந்தாறுமூலை கணேசா வித்தியாலயம் ஆகிய இடைத்தங்கல் முகாம்களில் தங்கவைக்கப்பட்டுள்ள மக்களுடன் கலந்துரையாடிய இக் குழு, மக்களால் முன்வைக்கப்பட்ட கோரிக்கைகளை தீர்த்து வைக்குமாறு அதிகாரிகளுக்கு ஆலோசனைகளும் வழங்கப்பட்டன.
முகாங்களில் தங்கியுள்ளவர்களுக்கு ஆளுநரின் பணிப்பின் பேரில் கிழக்கு மாகாண சமூக சேவை திணைக்களத்தினால் வழங்கப்பட்ட உலர் உணவுப்பொருட்களையும் ஆளுனர்,இராஜாங்க அமைச்சர் மற்றும் அரசாங்க அதிபர் ஆகியோர் வழங்கினர் .
விஜயத்தின் போது கிழக்கு மாகாண சமூக சேவை திணைக்கள பணிப்பாளர், ஏறாவூர் பற்று பிரதேச செயலாளர் கோ.தனபாலசுந்தரம், ஏறாவூர்பற்று பிரதேச சபை செயளாலர்
வ.பற்குணன், அனர்த்த முகாமைத்துவ நிவாரண சேவை உத்தியோகத்தர் சுரேஷ் குமார் ,மாவட்ட சமூக சேவை உத்தியோகத்தர் அருள் மொழி உட்பட கிராம சேவை உத்தியோகத்தர்கள், கிராம அபிவிருத்தி சங்க தலைவர்,சமூக சேவை திணைக்கள உத்தியோகத்தர்கள் என பலர் கலந்து கொண்டனர்.
