மேல் மருவத்தூர் அருள்மிகு ஆதிபராசக்தி சித்தர் பீடம் கல்வி,சமூகநலன்,பண்பாடு,அறப்பணிமையத்தின் மட்டக்களப்பு மாவட்ட கிளையில் சக்தி பொங்கல் விழா நேற்றுமுன்தினம் ஞாயிற்றுக்கிழமை வந்தாறுமூலை ஸ்ரீ மகா பெரியதம்பிரான் ஆலய முன்றலில் மிகவும் சிறப்பான முறையில் நடைபெற்றது.
சக்தி பொங்கல் விழாவிற்கான கலாச்சார நடைபவனியும் சிறப்பு சக்தி பொங்கலும் வைக்கப்பட்டு 108 மந்திரம் பாடப்பட்டு சிறப்பு சக்தி பூசையும் மாணவர்களின் கலை கலாசார நிகழ்வும் நடைபெற்றது. அத்துடன் கலை கலாசார நிகழ்வு போட்டிகளில் வெற்றி பெற்ற மாணவர்களுக்கு சிறப்பு பரிசும் வழங்கப்பட்டது. வெள்ள அனர்த்தத்தினால் பாதிக்கப்பட்ட 100 குடும்பங்களுக்கு பொங்கல் பொருட்கள் சக்தி மாசிலாமனி ரவி அவுஸ்ரேலியா நிதி அனுசரணையில் வழங்கப்பட்டது. 50 குடும்பங்களுக்கு உலர் உணவுப் பொருட்கள் சுவிஸ் நாட்டைச் சேர்ந்த சக்தி கீர்த்தனா ஜெயபாலன் அவர்களின் நிதிப்பங்களிப்பில் வழங்கி வைக்கப்பட்டது. இவ் நிகழ்வினை மேல் மருவத்தூர் ஆதிபராசக்தி அறப்பணி மையத்தின் நிறுவனர் சக்தி சுவிஸ் சுரேஸ் அவர்களின் ஒழுங்குபடுத்தலின் கீழ் மட்டக்களப்பு மாவட்ட பொறுப்பாளர் பா.வினோராஜ் தலைமையில் இந் நிகழ்வுகள் யாவும் இடம்பெற்றன. இந் நிகழ்வில் சிறப்பு அதிதிகளாக வந்தாறுமூலை பிராந்திய ஆயுள்வேத வைத்தியர் திருமதி நிரஞ்சனா மற்றும் கிராம உத்தியோகத்தர்,கலாச்சார உத்தியோகத்தர் ஆகியோர்கள் கலந்து சிறப்பித்தனர்.
