நானுஓயா – எபட்ஸ்போட் தமிழ் வித்தியாலயத்தில் கல்வி பயிலும் ஆறு மாணவர்கள் குளவிக் கொட்டுக்கு இலக்காகி வைத்தியசாலையில் அனுமதிக்கப்பட்டுள்ளனர்.
இன்று (18) காலை பாடசாலைக் கட்டடமொன்றின் கூரையில் அமைந்திருந்த குளவிக்கூடு கலைந்ததைத் தொடர்ந்து, அப்பகுதியில் இருந்த மாணவர்கள் குளவிகளின் தாக்குதலுக்கு உள்ளாகியுள்ளனர்.
இதனையடுத்து, உடனடியாகச் செயற்பட்ட பாடசாலை நிர்வாகத்தினரும் பிரதேசவாசிகளும் பாதிக்கப்பட்ட மாணவர்களை 1990 அவசர அம்பியூலன்ஸ் சேவையின் உதவியுடன் நுவரெலியா மாவட்ட பொது வைத்தியசாலைக்கு அனுப்பி வைத்துள்ளனர்.
சம்பவம் தொடர்பில் பொலிஸார் தகவல் தெரிவித்துள்ளனர்.








