தைப்பொங்கல் தினமன்று நண்பர்களுடன் களுவன்கேணி கடலில் குளிக்கச் சென்று கடலில் காணாமல் போன சிறுவனின் சடலம் 2 நாட்களின் பின்னர் கண்டுபிடிக் நேற்று மீட்கப்பட்டதாக ஏறாவூர் பொலிசார் தெரிவித்தனர்.
ஏறாவூர் போலீஸ் பிரிவுக்குட்பட்ட விநாயகர் கிராமம் சித்தாண்டி.01 ஐ சேர்ந்த கந்தசாமி சுஜிபிதன் எனும் 17 வயதுடைய சிறுவனே இவ்வாறு உயிரிழந்துள்ளார்.
காணாமல் போனவரை இரண்டு நாட்களாக தேடிய நிலையில் நேற்றையதினம் களுவன்கேணி 1 கிராம சேவகர் பிரிவை அண்மித்த வோட் வாடி கடற்கரைப் பகுதியில் சடலம் கரை ஒதுங்கியுள்ளதை அவதானித்த அப்பகுதி மீனவர்கள் ஏறாவூர் போலீசாருக்கு தகவலை
தெரியப்படுத்தியடுத்து பொலிசார் குறித்த இடத்துக்கு வருகை தந்து சடலத்தினை மீட்டுள்ளனர்.
பிரேதம் தொடர்பான திடீர் மரண விசாரணை அதிகாரி எஸ்.எம்.நசீர் குறித்த இடத்துக்கு வருகை தந்து சடலத்தைப் பார்வையிட்டதும் மேலதிக சட்டவைத்திய பரிசோதனைக்காக சடலம் மட்டக்களப்பு போதனா வைத்தியசாலைக்கு அனுப்பிவைக்கப்பட்டு சடலம் பிரேத பரிசோதனையின் பின்னர் உறவினர்களிடம் கையளிப்பதற்கான ஏற்பாடுகள் மேற்கொள்ளப்பட்டுள்ளது.
