மட்டக்களப்பில் கடந்த இரு வாரங்களில் மட்டும் ரயிலுடன் மோதுண்டு மூன்று பேர் உயிரிழந்தனர் என்று அறிய வருகின்றது. மட்டக்களப்பு புகையிரத நிலையத்தை அண்மித்த பகுதியில் ரயிலுடன் மோதுண்டு குடும்பஸ்தர் ஒருவர் உயிரிழந்தார்.
நேற்று முன்தினம் அதிகாலை மட்டக்களப்பு – கொழும்பு கடுகதி ரயிலுடன் மோதுண்டே இவர் உயிரிழந்திருக்கலாம் என்று கூறப்படுகின்றது.உயிரிழந்தவர், சத்துருகொண்டான் பாடசாலை வீதியை சேர்ந்த இரு பிள்ளைகளின் தந்தையான இராமசாமி ரமேஷ்காந் (44) என்பவர் என அடையாளம் காணப்பட்டார். முன்னதாக கடந்த 3 மற்றும் 10ஆம் திகதிகள் நடந்த ரயில் விபத்துகளிலும் இருவர் உயிரிழந்தனர். இதன்படி, இரு வாரங்களில் விபத்துகளால் மூவர் உயிரிழந்தனர் என்பது குறிப்பிடத்தக்கது.
