மட்டக்களப்பு காத்தான்குடியில் வெள்ள அனர்த்தத்தை குறைப்பதற்கான செயற்றிட்டம் தொடர்பாக ஆராயும் விஷேட கலந்துரையாடல் இன்று நடைபெற்றது.
சமூக ஒத்திசைவு மற்றும் நல்லிணக்க செயற்பாடு திட்டத்தின் கீழ் யு.எஸ் ஐட் நிறுவனத்தின் உதவியுடன் லிஃப்ட் நிறுவனத்தின் அனுசரணையில் காத்தான்குடி பிரதேச செயலகத்தின் ஏற்பாட்டில் கலந்துரையாடல் இடம் பெற்றது.
காத்தான்குடி பிரதேச செயலாளர் உதய ஸ்ரீதர் தலைமையில் நடைபெற்ற கலந்துரையாடலில் லிஃப்ட் நிறைவத்தின் நிறைவேற்று அதிகாரி திருமதி ஜானு முரளிதரன் அதன் ஆலோசகர் முரளிதரன், கிராம உத்தியோகத்தர்களுக்கான நிர்வாக உத்தியோகத்தர் எம்.எம்.ஜரூப் உட்பட புதிய காத்தான்குடி வடக்கு தெற்கு கிழக்கு கிராம உத்தியோகத்தர்கள், பொருளாதார அபிவிருத்தி உத்தியோகத்தர்கள், அனர்த்த முகாமைத்துவ அதிகாரிகள், கிராமட்ட சமூக நிறுவனங்களின் பிரதிநிதிகள் என பலரும் கலந்து கொண்டனர்.
காத்தான்குடியில் வெள்ள அனர்த்தத்தை குறைப்பதற்கான செயற்திட்டம் தொடர்பாக ஆராயப்பட்டதுடன்
ஆலோசனைகளும் பெறப்பட்டன.
