இரத்தினபுரியில் தமிழ் சிறுமி ஒருவர் மர்மமான முறையில் உயிரிழந்தார் என்று கூறப்படுகின்றது. ரம்புக்கந்தை தோட்டத்தைசேர்ந்த தரம் 11இல் கல்வி கற்கும் கணேசன் ருச்ஷானி (வயது15) என்ற மாணவியே இவ்வாறு உயிரிழந்தார். இச்சம்பவம் தொடர்பில்மேலும் தெரியவருவதாவது:குறித்த மாணவி தனது வீட்டில் போதிய வசதிகள் இல்லாததால் அருகிலுள்ள அத்தையின் (தந்தையின் தங்கை) வீட்டிலேயே உறங்குவது வழமை.வழக்கம் போன்று அங்குஉறங்கியவர் தனது அத்தையிடம் அதிகாலை தண்ணீர் கேட்டு அருந்து விட்டு மீண்டும் நித்திரையில் ஆழ்ந்துள்ளார்.
அதிகாலை 5 மணியளவில் அத்தையும் வீட்டாரும் நித்திரை விட்டெழுந்து பார்த்தபோது மாணவி வெறுந்தரையில் கிடந்துள்ளார். இது குறித்து பெற்றோருக்கு அறிவித்ததுடன், உடனடியாகஇரத்தினபுரி ஆதார மருத்துவமனைக்கு மாணவி கொண்டு செல்லப்பட்டார். மாணவியை பரிசோதித்த மருத்துவர்கள் அவர் ஏற்கனவே உயிரிழந்து விட்டார் என்று தெரிவித்தனர். மாணவியின் மரணம் தொடர்பில் பொலிஸாருக்கு அறிவிக்கப்பட்டதை தொடர்ந்து, விசாரணைகளை மேற்கொண்ட பொலிஸார் மாணவியின் மரணத்தில் சந்தேகம் இருப்பதாக தெரிவித்தனர்.
மாணவியின் இறப்புக்கான காரணத்தை கண்டறிய பிரேத பரிசோதனைக்கு உத்தரவிடப்பட்டுள்ளது.
