மட்டக்களப்பு மாவட்டத்தில் குரங்குகளின் தொல்லைகள் அதிகரித்துள்ளதாக அப்பகுதி மக்கள் கவலை தெரிவிக்கின்றனர்.
அதன்படி மண்முனை தென் எருவில் பற்று பிரதேசத்தின் களுதாவளை, களுவாஞ்சிக்குடி, தேற்றாத்தீவு, மாங்காடு உள்ளிட்ட பல பகுதிகளிலும் குரங்குகள் வீடுகளுக்குள் வந்து தொல்லை கொடுப்பதாக பிரதேசவாசிகள் தெரிவிக்கின்றனர்.
பகல் வேளைகளில் கிராமங்களுக்குள் கூட்டங்கூட்டமாக வரும் குரங்குகள் வீட்டுக் கூரைகளின் மேல் தாவித் திரிவதனால் கூரைகளில் வெடிப்புக்கள் ஏற்பட்டு உடைகின்றன.
அத்தோடு, குடியிருப்புக்குள் காணப்படும் வாழை, மா, கொய்யா உள்ளிட்ட பயன் தரும் பயிரினங்களையும் சேதப்படுத்தி அழிக்கின்றன.
பகலில் வேலைக்குச் சென்றுவிட்டு மாலை வேளையிலே வீடுகளுக்குத் திரும்பி வந்து பார்க்கும்போது குடிமனைகளை குரங்குகளின் அட்டக்காசத்தால் தாம் பெரும் அசௌகரியங்களிற்கு முகம் கொடுப்பதாகவும் அவர்கள் கூறுகின்றனர்.
எனவே சம்பந்தப்பட்ட அதிகாரிகள் மக்கள் குடியிருப்புக்குள் வந்து அட்டகாசம் செய்யும் குரங்குகளை கட்டுப்படுத்த உடன் நடவடிக்கை எடுக்க வேண்டும் என பாதிக்கபப்ட்ட மக்கள் கோரிக்கை விடுக்கின்றனர்.
