வன் சைல்ட் பவுண்டேஷன் அமைப்பு மட்டக்களப்பு மாவட்டத்தில் முன்னெடுத்து வரும் திட்டங்களின் 14 வது ஆண்டுநிறைவு நிகழ்வு முன்னிட்டு மட்டக்களப்பு தன்னாமுனை மியானி நகர மண்டபத்தில் விசேட நிகழ்வொற்று நேற்று முன்தினம் (24) இடம்பெற்றது.
வன் சைல்ட் பவுண்டேஷன் அமைப்பின் மட்டக்களப்பு மாவட்டத்திற்கான இணைப்பாளர் அருட்தந்தை பிரபஹாஸ் ரெட்டி தலைமையில் இடம் பெற்ற இந்த நிகழ்வில் சிறப்பு விருந்தினர்களாக, வன் சைல்ட் பவுண்டேஷன் அமைப்பின் பணிப்பாளர் ஜோசப் மனோ இமானுவேல்பிள்ளை, பொருளாளர் சகு இமானுவேல்பிள்ளை, மாகாண பணிப்பாளர் அருட்தந்தை அமலன், தனாமுனை மியானி நிலையப் பணிப்பாளர் அருட்தந்தை மகிமைதாஸ் அடிகளார் உட்பட அருட்தந்தையர்கள்,அருட் சகோதரிகள்,என பலர் கலந்து கொண்டனர்.
இதன் ஆரம்ப நிகழ்வாக பாடசாலை மாணவர்களால் பாண்ட் வாத்தியங்கள் வாசிக்கப்பட்டு,சிறப்பு விருந்தினர்கள் வரவேற்கப்பட்டு, தேசியக்கொடி ஏற்றப்பட்டது.
அடுத்து மங்கள விளக்கேற்றல் நிகழ்வின் பின்னர், மாணவர்களின் கலை கலாச்சார நடன நிகழ்வுகளும் இடம் பெற்றதுடன் பாடசாலை செல்லும் மாணவர்களுக்கான கற்றல் உபகரணங்களும் வழங்கப்பட்டன.
