வதுரம்ப , நாத்தேவெல பிரதேசத்தில் கூரிய ஆயுதத்தால் தாக்கப்பட்டு பெண் ஒருவர் நேற்று (26) திங்கட்கிழமை உயிரிழந்துள்ளார். இவ்வாறு உயிரிழந்தவர் வதுரம்ப பிரதேசத்தை சேர்ந்த 45 வயதுடைய நபராவார்.
நேற்று (26) இரவு நாத்தேவெல பிரதேசத்தில் பெண் ஒருவர் காயமடைந்த நிலையில் தரையில் வீழ்ந்து கிடப்பதாக 119 என்ற அவசர பொலிஸ் தொலைபேசி இலக்கத்திற்கு தகவல் கிடைத்துள்ளது.
இதனையடுத்து சம்பவ இடத்துக்கு சென்ற பொலிஸார் விசாரணைகளை ஆரம்பித்துள்ளனர்.
உயிரிழந்த பெண்ணுடன் தகாத உறவில் ஈடுபட்டிருந்த நபரொருவரே இவ்வாறு கூரிய ஆயுதத்தால் தாக்கியுள்ளதாக விசாரணையில் தெரியவந்துள்ளது.
இந்நிலையில் சந்தேக நபர் உயிரை மாய்த்துக்கொள்ள முயன்று விஷமருந்தி சுகயீனமடைந்த நிலையில் கராப்பிட்டிய வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்தனர்.
இந்த சம்பவம் தொடர்பான மேலதிக விசாரணைகளை வதுரம்ப பொலிஸார் மேற்கொண்டு வருகின்றனர்.
