நீதிமன்ற வளாகத்திற்குள் தன்னைத்தானே சுட்டுக்கொண்டு பொலிஸ் உத்தியோகத்தர் தற்கொலை!

நீதிமன்ற வளாகத்திற்குள் வைத்து பொலிஸ் உத்தியோகத்தர் ஒருவர் துப்பாக்கியால் தன்னைச் சுட்டு தற்கொலை செய்து கொண்டுள்ளதாக பொலிஸார் தெரிவிக்கின்றனர்.

இந்தச் சம்பவம் நேற்று செவ்வாய்க்கிழமை (27) மாத்தறை கொடவில பிரதேசத்தில் இடம்பெற்றுள்ளது.

கொடவில பொலிஸ் நிலையத்தில் கடமையாற்றிய 52 வயதான பொலிஸ் உத்தியோகத்தர் ஒருவரே இவ்வாறு தற்கொலை செய்து கொண்டுள்ளார்.

விடுமுறையிலிருந்து கடமைக்குத் திரும்பிய அவர், கொடவில நீதிமன்ற வளாகத்தில் வைத்தே தற்கொலை செய்து கொண்டுள்ளார்.