வெளிநாட்டிலிருந்து சட்டவிரோதமாக கொண்டுவரப்பட்ட சிகரெட்டுகளை மோட்டார் சைக்கிளில் சென்று விற்பனை செய்து கொண்டிருந்த சந்தேக நபரொருவர் பொலிஸ் விசேட அதிரடிப்படையினரால் கைது செய்யப்பட்டுள்ளார்.
பொலிஸ் விசேட அதிரடிப்படையினருக்கு கிடைத்த தகவலின் பேரில் மாளிகாவத்தையில் உள்ள பள்ளிவாசல் ஒன்றுக்கு அருகில் மேற்கொள்ளப்பட்ட சுற்றிவளைப்பில் சந்தேக நபர் கைது செய்யப்பட்டுள்ளார்.
கைது செய்யப்பட்டவர் கொழும்பு 13 பிரதேசத்தைச் சேர்ந்த 21 வயதுடைய இளைஞராவார்.
சந்தேக நபரிடமிருந்து சுமார் 15 ஆயிரம் சிகரெட்டுகள் பொலிஸ் விசேட அதிரடிப்படையினரால் கைப்பற்றப்பட்டுள்ளன.
இந்த சம்பவம் தொடர்பில் மாளிகாவத்தை பொலிஸார் விசாரணைகளை மேற்கொண்டு வருகின்றனர்.
