தேசிய இளைஞர் சேவை மன்றத்தின் அனுசரணையில் மட்டக்களப்பு மண்முனை வடக்கு பிரதேச இளைஞர் கழக சம்மேளனம் நடாத்தும் ஸ்மார்ட் யூத் (Smart youth) சித்திரை புத்தாண்டு விழாவானது 27.04.2024 சனிக்கிழமை அன்று மட்டக்களப்பு ஸ்ரீ மாமங்கேஸ்வரர் ஆலய வளாகத்தில் நடைபெற்றது .
அந்தவகையில் ஸ்ரீ மாமங்கேஸ்வரர் ஆலய வளாகத்தில் பல்வேறுபட்ட கலை கலாச்சார விளையாட்டுக்கள் நடைபெற்றது. குறிப்பாக இலங்கை முழுவதும் உள்ள 340 பிரதேச செயலக பிரிவுகளிலும் இந் நிகழ்வானது ஒரே நாளில் ஒரே நேரத்தில் நடைபெற்றது.
இந்த நிகழ்விற்கு பிரதம அதிதியாக மண்முனை வடக்கு பிரதேச செயலாளர் வாசுதேவன் ஐயா அவர்களும், கௌரவ அதிதிகளாக தேசிய இளைஞர் சேவை மன்றத்தின் மட்டக்களப்பு மாவட்ட உதவி பணிப்பாளர் திருமதி. நிசாந்தி அருள்மொழி அம்மணி மற்றும் அமிர்தகழி கிராம சேவகர் அவர்களும் கலந்துகொண்டிருந்தனர் என்பதும் குறிப்பிடத்தக்கது.
