அம்பாறையில் வீடொன்றில் இருந்து திருடப்பட்ட மோட்டார் சைக்கிள் ஒன்று மீட்கப்பட்டுள்ளதோடு மோட்டார் சைக்கிளை கடத்திய இரு சந்தேகநபர்கள் கைது செய்யப்பட்டுள்ளனர்.
அம்பாறை மாவட்டம் சம்மாந்துறை பொலிஸ் பிரிவுக்குட்பட்ட பிரதேசத்தில் சில தினங்களுக்கு முன்னர் மோட்டார் சைக்கிள் திருடப்பட்டுள்ளதாக முறைப்பாடொன்று கிடைக்கப்பெற்றுள்ளது.
இதனையடுத்து, சந்தேகநபர் ஒருவர் கைது செய்யப்பட்டு அவரிடம் விசாரணை முன்னெடுக்கப்பட்டதை அடுத்து, நேற்றையதினம் (12) பொத்துவில் பிரதேசத்தில் தலைமறைவாகி இருந்த மற்றொரு சந்தேகநபர் கைது செய்யப்பட்டுள்ளார்.
இந்நிலையில், திருடப்பட்ட மோட்டார் சைக்கிளும் பொலிஸாரால் மீட்கப்பட்டுள்ளது.
இது தொடர்பான மேலதிக விசாரணைகளை சம்மாந்துறை பொலிஸார் மேற்கொண்டு வருகின்றமை குறிப்பிடத்தக்கது.
