மட்டக்களப்பு – வெல்லாவெளி பிரதேசத்தில் 15 வயது சிறுமி ஒருவரை தகாத செயற்பாட்டுக்கு உட்படுத்திய இளைஞர்கள் இருவர் கைது செய்யப்பட்டுள்ளனர்.
குறித்த கைது நடவடிக்கை நேற்றுமுன்தினம் (13.04.2024) இரவு இடம்பெற்றுள்ளது.
வெல்லாவெளி பிரதேசத்தைச் சேர்ந்த 15 வயது சிறுமி கடந்த 7ஆம் திகதி தனது வீட்டில் இருந்து அம்மம்மா வீட்டிற்கு சென்று அங்கிருந்து தனிமையில் திரும்பிக்கொண்டிருந்த வேளை, சிறுமியை இரு இளைஞர்கள் கடத்திச்சென்று தகாத செயற்பாட்டுக்கு உட்படுத்தியுள்ளனர்.
இந்நிலையில், பாதிக்கப்பட்ட சிறுமி பெற்றோரிடம் தெரிவித்ததையடுத்து பொலிஸ் நிலையத்தில் நேற்றுமுன்தினம் (13) மேற்கொண்ட முறைப்பாட்டிற்கமைய அதே பகுதியைச் சேர்ந்த 26 மற்றும் 21 வயதுடைய இரு இளைஞர்கள் கைது செய்யப்பட்டுள்ளனர்.
மேலும் பாதிக்கப்பட்ட சிறுமி வைத்தியசாலையில் அனுமதிக்கப்பட்டுள்ளதுடன், கைது செய்யப்பட்டவர்களை நீதிமன்றத்தில் முன்னிலைப்படுத்த நடவடிக்கை எடுத்துள்ளதாக பொலிஸார் தெரிவித்துள்ளனர்.
