விவசாயம் செய்து கொண்டிருந்த இரு ஆண்கள்; மின்னல் தாக்கி பலி!

புத்தளத்தில் இரண்டு ஆண்கள் மின்னல் தாக்கி உயிரிழந்துள்ள சம்பவம் ஒன்று இடம் பெற்றுள்ளது.

புத்தள கோனகங் ஆர, வகுருவெல பிரதேசத்தில் உள்ள வயல்வெளியில் நேற்று (27) இந்த அனர்த்தம் இடம்பெற்றுள்ளதாக தெரிவிக்கப்படுகின்றது.

இந்த இரு இளைஞர்களும் நேற்று பிற்பகல் வயல் நிலத்தில் விவசாயம் செய்து கொண்டிருந்த போது மின்னல் தாக்கி உயிரிழந்துள்ளதாக தெரிவிக்கப்பட்டுள்ளது.

உயிரிழந்த 31 மற்றும் 32 வயதுடைய இருவரும் புத்தல, வகுருவெல பிரதேசத்தை சேர்ந்தவர்களாவர். சம்பவம் குறித்து கோனகங் ஆர பொலிஸார் விசாரணை நடத்தி வருகின்றனர்.