ஸ்ரீலங்கா சுதந்திரக் கட்சியின் தலைவராக விஜயதாச ராஜபக்ஷ செயற்படுவதைத் தடுப்பதற்காக விதிக்கப்பட்டிருந்த இடைக்கால தடையுத்தரவை மேலும் நீடிப்பதற்குக் கொழும்பு மாவட்ட நீதிமன்றம் இன்று (3) உத்தரவிட்டுள்ளது.
விஜயதாச ராஜபக்ஷக்கு எதிராகத் தாக்கல் செய்யப்பட்டிருந்த வழக்கு விசாரணைக்கு எடுத்துக்கொள்ளப்பட்டபோதே கொழும்பு மாவட்ட நீதிமன்றத்தால் இந்த உத்தரவு பிறப்பிக்கப்பட்டுள்ளது.
இதன்போது, இந்த வழக்கு தொடர்பான ஆட்சேபனைகளை தாக்கல் செய்ய மேலும் கால அவகாசம் வழங்குமாறு பிரதிவாதி தரப்பின் சட்டத்தரணிகள் நீதிமன்றில் கோரிக்கை விடுத்தனர்.
இதன்போது, இந்த வழக்கு தொடர்பான ஆட்சேபனைகளைத் தாக்கல் செய்யக் கால அவகாசம் வழங்கப்பட்டதுடன், இந்த வழக்கை எதிர்வரும் 14ம் திகதி மீண்டும் விசாரணைக்கு எடுத்துக்கொள்ள நீதிபதி உத்தரவிட்டுள்ளார்.
