சாதாரண தரப் பரீட்சை 2023 (2024) விடைத்தாள்களை மதிப்பீடு செய்யும் நடவடிக்கைகள் 2024 ஜூன் 08 ஆம் திகதி வரை பிற்போடப்பட்டுள்ளதாக பரீட்சைகள் திணைக்களம் அறிவித்துள்ளது.
சீரற்ற காலநிலைக்கு மத்தியில் பரீட்சார்த்திகள் மதிப்பீட்டு நிலையங்களுக்கு செல்வதில் ஏற்படும் சிரமங்களை கருத்திற்கொண்டு இந்த தீர்மானம் எடுக்கப்பட்டுள்ளதாக பரீட்சைகள் ஆணையாளர் நாயகம் அமித் ஜயசுந்தர தெரிவித்துள்ளார்.
முன்னதாக ஜூன் 06 ஆம் திகதி தொடங்க திட்டமிடப்பட்டது.
இந்நிலையில் மதிப்பீட்டு நடவடிக்கைகள் ஜூன் 08 முதல் ஜூன் 17 வரை நாடளாவிய ரீதியில் நிறுவப்பட்டுள்ள 101 நிலையங்களில் நடைபெறும் என அறிவிக்கப்பட்டுள்ளது.
