திரையுலகில் ஒரு நடனக்கலைஞராக தனது வாழ்க்கையை ஆரம்பித்து, பின்னர் ஒரு நடிகராகவும் வலம் வரும் நடிகர் பிரபுதேவா. இவரது நடிப்பில் அடுத்து ‘பேட்ட ராப்’ என்ற புதிய படம் உருவாகவிருக்கிறது.
1986ம் ஆண்டு ‘மெளன ராகம்’ படத்தில் ‘பனிவிழும்’ பாடலில் நடனக்குழுவில் ஒருவராக நடனமாடி தனது திரைவாழ்க்கையை ஆரம்பித்த பிரபுதேவா, 1989ம் ஆண்டு வெளியான ‘வெற்றி விழா’ படத்தின் மூலம் நடன இயக்குனராக அறிமுகமானார். பின்னர் 100க்கும் மேற்பட்ட படங்களில் நடன இயக்குனராக அவர் பணியாற்றியுள்ளார்.
நடனக் கலைஞராக மட்டுமில்லாமல், 1994ல் வெளியான ‘இந்து’ படத்தின் மூலம் ஹீரோவாக அறிமுகமாகி அதன்பின்னர் பல படங்களில் கதாநாயகனாக நடித்துள்ளார். அதுமட்டுமல்லாமல், இயக்குநராக, தயாரிப்பாளராக என அனைத்து துறையிலும் கால்பதித்து வருபவர் நடிகர் பிரபுதேவா.
இந்நிலையில், இவரது நடிப்பில் ‘பேட்ட ராப்’ என்ற புதிய படம் உருவாகவிருக்கிறது. புளூ ஹில் ஃபிலிம்ஸ், புளூ ஹில் நேல் கம்யூனிகேஷன்ஸ் உடன் இணைந்து வழங்கும் இப்படத்தை ஜோபி பி சாம் தயாரிக்கிறார். எஸ்ஜே சினு இப்படத்தை இயக்க, டி.இமான் இசையமைக்கிறார்.
இந்நிலையில், விரைவில் இப்படத்தின் படப்பிடிப்பு துவங்கும் என தெரிவிக்கப்பட்டுள்ளது.
