‘ஸ்டார் ட்ரெக்’ (Star Trek), ‘எக்ஸ்-மென்’ (X-Men) திரைப்படங்கள் மூலம் உலகப் புகழ்பெற்ற பிரித்தானிய நடிகர் சேர் பேட்ரிக் ஸ்டீவர்ட் தனது 86 ஆவது வயதில் காலமானார்.
அவர் கடந்த புதன்கிழமை (28) லொஸ் ஏஞ்சல்ஸில் உள்ள தனது இல்லத்தில் காலமானதாக சர்வதேச ஊடகங்கள் தெரிவிக்கின்றன. அல்சைமர் நோய் மற்றும் லூயி பாடி டிமென்ஷியா (Lewy Body Dementia) பாதிப்புகளுக்கு உள்ளாகியிருந்த நிலையிலேயே அவர் உயிரிழந்துள்ளார்.
‘ஸ்டார் ட்ரெக்’ தொடரில் கேப்டன் ஜீன்-லூக் பிகார்ட் (Jean-Luc Picard) கதாபாத்திரத்திலும், ‘எக்ஸ்-மென்’ திரைப்படங்களில் புரொஃபெசர் எக்ஸ் (Professor X) கதாபாத்திரத்திலும் நடித்து பல தலைமுறை ரசிகர்களின் மனதில் இடம்பிடித்தார்.
மேடை நாடகங்கள், ஷேக்ஸ்பியர் படைப்புகள் மற்றும் ஹொலிவுட் திரைப்படங்கள் என ஆறு தசாப்தங்களுக்கும் மேலாகக் கலைத்துறையில் தனித்துவமான பங்களிப்பை வழங்கிய இவர், 2010 ஆம் ஆண்டு பிரித்தானியாவின் இரண்டாம் எலிசபெத் மகாராணியால் ‘நைட்ஹூட்’ பட்டம் வழங்கிக் கௌரவிக்கப்பட்டார்.
அவரது மறைவுக்கு உலகெங்கிலும் உள்ள திரையுலகப் பிரபலங்களும் ரசிகர்களும் இரங்கல் தெரிவித்து வருகின்றனர்.
