மட்டு தாழங்குடாவில் கார் விபத்து!

மட்டக்களப்பு, தாழங்குடா பகுதியில் கார் ஒன்று மின்கம்பத்துடன் மோதி பாரிய விபத்துக்குள்ளாகிய சம்பவம் இன்று (11) அதிகாலை 2.25 மணியளவில் இடம்பெற்றுள்ளது.

‌குறித்த கார் பொத்துவில் பகுதியிலிருந்து வந்து கொண்டிருந்த போதே இவ் விபத்து இடம்பெற்றுள்ளதாகவும், சாரதியின் தூக்க கலக்கமே விபத்திற்கு காரணம் எனவும் தெரியவந்துள்ளது .

இதன் போது காரில் பயணித்த மூவர் காயங்களுக்குள்ளான நிலையில் வைத்தியசாலையில் அனுமதிக்கப்பட்டுள்ளனர் .

மின்கம்பத்தில் மோதியதால் குறித்த பிரதேசத்தில் இரண்டு மணிநேர மின்தடை ஏற்பட்டுள்ளது. மேலும் இச் சம்பவம் தொடர்பிலான மேலதிக விசாரணைகளை காத்தான்குடி போக்குவரத்து பொலிஸார் முன்னெடுத்து வருகின்றனர்.