அடுத்த ஆண்டுக்கான வரவு செலவுத் திட்டத்தில் வாகன இறக்குமதிக்கு வரிச் சலுகைகள் எதுவும் அறிவிக்கப்படாததால், இலங்கையில் வாகனங்களின் விலைகள் குறைய வாய்ப்பில்லை என இலங்கை வாகன இறக்குமதியாளர்கள் சங்கம் தெரிவித்துள்ளது.
இது தொடர்பில் கருத்துத் தெரிவித்த சங்கத்தின் உப தலைவர் அரோஷ ரொட்ரிகோ, மத்திய கிழக்கின் போர்ச் சூழல் மற்றும் நாட்டின் டொலர் கையிருப்பைக் கருத்திற்கொண்டே சலுகைகள் வழங்கப்படவில்லை என நிதி அமைச்சு விளக்கமளித்ததாகக் குறிப்பிட்டார்.
மேலும், தற்போதுள்ள வாகன இறக்குமதி வரிகள் மற்றும் மேலதிக கட்டணங்களில் எந்த மாற்றமும் செய்யப்படவில்லை என்பதால், வாகன விலைகளில் வீழ்ச்சி ஏற்படாது எனவும் அவர் தெரிவித்துள்ளார்.
