மட்டக்களப்பு மாவட்டம் மண்முனை மேற்கு பிரதேச செயலக பிரிவிற்குட்பட்ட வவுணதீவு பிரதேசங்களுக்கு நேற்றைய தினம் (13) மட்டக்களப்பு மாவட்ட இலங்கை தமிழரசுக்கட்சியின் பாராளுமன்ற உறுப்பினர் இரா. சாணக்கியன் விசேட களவிஜயத்தினை மேற்கொண்டார்.
வவுணதீவுபிரதேசங்களில் குறிப்பாக கன்னங்குடா,கரையாக்கன்தீவு , பாவற்கொடிச்சேனை போன்ற கிராமங்களுக்கு நேரடி கள விஜயம் மேற்கொண்ட பாராளுமன்ற உறுப்பினர் இரா சாணக்கியன் மக்களின் தற்போதைய நிலைமை தொடர்பாக கலந்துரையாடியதோடு, அப் பகுதி மக்கள் எதிர்நோக்கும் முக்கிய பிரச்சனைகளான வீதி அபிவிருத்தி, சுத்தமான குடிநீர் போன்ற பல்வேறு பிரச்சினைகளுக்கு மாவட்ட அபிவிருத்தி குழு கூட்டத்திலும், பாராளுமன்றத்திலும் தெரிவித்து இது தொடர்பாக விசேட கவனம் செலுத்துவதாகவும் தெரிவித்தார்.
