மட்டக்களப்பு வெல்லாவெளி பகுதியில் உள்ள ஆயிரம்கால் மண்டப வீதி அருகே உள்ள உள்ள வாய்க்காலில் சடலம் ஒன்று இன்று (16) மீட்கப்பட்டுள்ளது.
சடலம் ஒன்று வாய்க்காலில் இருப்பதை பார்த்த கிராமவாசிகள், பொலிஸாருக்கு தகவல் தெரிவித்ததை தொடர்ந்து குறித்து இடத்திற்கு வருகை தந்த பொலிஸார் சடலத்தை பார்வையிட்டு, மேலதிக விசாரணைகளை முன்னெடுத்துள்ளனர்.
இந்த விசாரணையின் போது வெல்லாவெளி விவேகானந்தபுரம் கிராமத்தைச் சேர்ந்த 64 வயதுடைய 06 பிள்ளைகளின் தந்தையான பிள்ளையான்குட்டி புலேந்திரன் என அடையாளம் காணப்பட்டுள்ளார்.
இவர் யானை தாக்கி உயிரிழந்திருக்கலாமென சந்தேகிக்கப்பதாக வெல்லாவெளி பொலிஸார் மேலும் தெரிவித்தனர்.
அதேசமயம் நேற்று முன்தினம் (14) மாலை வீட்டிலிருந்து புறப்பட்டு, ஆயிரம் கால் மண்டப வைரவர் ஆலயத்திற்கு சென்று வீடு திரும்பாத குறித்த நபரை உறவினர்கள் தேடி கொண்டிருந்த போது இன்றைய தினம் அவர் சடலமாக மீட்கப்பட்டுள்ளார்.
சம்பவம் தொடர்பான வெல்லாவெளி பொலிஸார் மேலதிக விசாரணைகளை ஆரம்பித்துள்ளனர் .
