லுணுகலை ஹொப்டன் பகுதியில் நேற்று (16) பிற்பகல் தனியார் பஸ் ஒன்றின் சாரதி உள்ளிட்ட குழுவினர் மேற்கொண்ட தாக்குதலில் பிபிலை இலங்கை போக்குவரத்து சபை பஸ் நடத்துனர் காயமடைந்து பசறை பொது வைத்தியசாலையில் சிகிச்சைக்காக அனுமதிக்கப்பட்டுள்ளதாக லுணுகலை பொலிஸார் தெரிவித்தனர்.
தம்பிட்டியவிலிருந்து பதுளை நோக்கி பயணித்துக்கொண்டிருந்த பிபிலை இலங்கை போக்குவரத்து சபைக்கு சொந்தமான பஸ் நடத்துநருக்கும், பசறை லுணுகலை இயங்கும் தனியார் பஸ் சாரதி நடத்துனர் இடையே நேர சம்மந்தமாக இடம்பெற்ற வாக்குவாதம் பின்னர் கைகலப்பாக மாறியதாக பொலிஸார் தெரிவித்தனர் தெரிவிக்கப்படுகின்றது.
தனியார் பஸ் சாரதி மற்றும் நடத்துனருடன் லுணுகல பொலிஸாரால் கைது செய்யப்பட்டுள்ளதாகவும் தனியார் பஸ் உரிமையாளர் மற்றும் மற்றுமொரு நபர் ஹொப்டன் வைத்தியசாலையில் அனுமதிக்கப்பட்டுள்ளதாகவும் பொலிஸார் தெரிவித்தனர்.
பதுளை பிரிவுக்கு பொறுப்பான சிரேஷ்ட பொலிஸ் அத்தியட்சகர் வசந்த கந்தேவத்தவின் பணிப்புரையின் பேரில், லுணுகலை பொலிஸ் நிலைய பொறுப்பதிகாரி .பிரபோப பிரியந்த சந்திரசேகர தலைமையில் பொலிஸ் குழுவொன்று மேலதிக விசாரணைகளை மேற்கொண்டு வருவதாக பொலிஸார் தெரிவித்தனர்
