பொகவந்தலாவ பகுதியில் சட்ட விரோதமாக முறையில் மாணிக்க கற்கள் அகழ்வில் ஈடுபட்டு வந்த நால்வர் பொலிஸாரால் கைது செய்யப்பட்டுள்ளனர்.
பொகவந்தலாவ ராணி காடு பகுதியை சேர்ந்த நால்வரே நேற்றுமுன்தினம் (19-06-2024) கைது செய்யப்பட்டுள்ளனர்.
பொகவந்தலாவ ராணி காடு தோட்ட தெரேசியா பிரிவில் சட்ட விரோதமான முறையில் மாணிக்க கற்கள் அகழ்வில் ஈடுபட்டுள்ளதாக பொகவந்தலாவ பொலிஸ் நிலைய பொறுப்பதிகாரிக்கு இரகசிய தகவல்கள் கிடைந்துள்ளன.
இதனைத்தொடர்ந்து அப் பகுதிக்கு சென்று சுற்றிவளைப்பை மேற்கொண்ட பொலிஸார் அங்கு சட்ட விரோதமாக முறையில் மாணிக்க கற்கள் அகன்ற நால்வரை கைது செய்தனர்.
இவ்வாறு கைது செய்யப்பட்டவர்கள் நேற்று முன்தினம் (19) மதியம் பொலிஸ் பிணையில் விடுதலை செய்யப்பட்டனர்.
இந்த நிலையில் அவர்களை எதிர்வரும் 25 ம் திகதி ஹட்டன் நீதிமன்றத்தில் ஆஜராகும்படி உத்தரவு இடப்பட்டுள்ளதாக பொகவந்தலாவ பொலிஸார் தெரிவித்தனர்.
