பாலஸ்தீனத்தின் ரஃபா பகுதியில், இஸ்ரேல் படைகள் நடத்திய தாக்குதலில், 25 பேர் உயிரிழந்துள்ளனர்.
காசாவில் இஸ்ரேல் படைகள் நடத்திய தாக்குதலில், பெண்கள், குழந்தைகள் உட்பட 30,000க்கும் அதிகமானோர் கொல்லப்பட்டுள்ளனர்.
“ஹமாஸ் அமைப்பினரை ஒழிக்கும் வரை போர் தொடரும்” என, இஸ்ரேல் பிரதமர் நெதன்யாகு தெரிவித்துள்ளார்.
தற்போது ரஃபா நகரில், இஸ்ரேல் படைகள் தீவிரமாக தாக்குதல் நடத்தி வருகின்றன.
இந்நிலையில், ரஃபா அருகே அமைக்கப்பட்டிருந்த கூடார முகாம்கள் மீது, இஸ்ரேல் நேற்றிரவு தாக்குதல் நடத்தியது. இதில், 25 பேர் உயிரிழந்ததுடன் மேலும் 50க்கும் மேற்பட்டோர் காயமடைந்துள்ளனர்.
சம்பவ இடத்தில் மீட்புப் பணியில் ஈடுபட்ட மீட்புப் படையினர், காயமடைந்தோரை மீட்டு வைத்தியசாலையில் அனுமதித்துள்ளனர்.
பலரது நிலை கவலைக்கிடமாக இருப்பதால், உயிரிழந்தவர்களின் எண்ணிக்கை அதிகரிக்கக் கூடும் என, அஞ்சப்படுகிறது.
