அநுராதபுரம் திறந்தவெளி சிறைச்சாலையில் தடுத்து வைக்கப்பட்டிருந்த இரண்டு கைதிகள் நேற்று முன்தினம் (25) தப்பிச் சென்றுள்ளதாக அநுராதபுரம் பொலிஸார் தெரிவித்துள்ளனர்.
பல திருட்டுச் சம்பவங்களில் ஈடுபட்டு நீதிமன்ற உத்தரவின் பேரில் சிறை வைக்கப்பட்டிருந்த யாழ்ப்பாணத்தைச் சேர்ந்த 31 வயதுடைய கைதியும், போதைப்பொருளை தன்வசம் வைத்திருந்த குற்றச்சாட்டில் சிறைச்சாலையில் இருந்த பலேகல பிரதேசத்தைச் சேர்ந்த ஒருவருமே இவ்வாறு தப்பிச் சென்றுள்ளனர்.
மல்வத்து ஓயாவிற்கு அருகாமையில் பயிர்ச் செய்கை வேலைக்காக அனுப்பப்பட்டிருந்த திறந்தவெளி சிறைக் கைதிகளே இவ்வாறு தப்பிச் சென்றுள்ளதாகப் பொலிஸார் தெரிவிக்கின்றனர்.
