குருணாகல் பிரதேசத்தில் பொல்பித்திகம கல்வி வலயத்துக்குட்பட்ட தொரவேருவ பகுதியில் உள்ள பாடசாலை ஒன்றில் கல்வி கற்கும் 9 மாணவிகள் திடீர் சுகயீனம் காரணமாக வைத்தியசாலையில் அனுமதிக்கப்பட்டுள்ளனர்.
இந்த சம்பவம் நேற்று (5) வெள்ளிக்கிழமை பிற்பகல் இடம்பெற்றுள்ளது.
6 ஆம் வகுப்பில் கல்வி கற்கும் மாணவிகளே இவ்வாறு சுகயீனமடைந்துள்ளனர்.
இது தொடர்பில தெரியவருவதாவது,
பாடசாலை முடிவடையும் நேரத்தில் மாணவிகள் சிலருக்கு தோல் அரிப்பு மற்றும் உடலில் தழும்புகள் ஏற்பட்டுள்ள நிலையில் திடீரென சுகயீனமடைந்துள்ளனர்.
இதனை அவதானித்த அதிபரும் ஆசிரியர்களும் சுகவீனமடைந்த மாணிவிகளை பொல்பித்திகம ஆதார வைத்தியசாலையில் அனுமதித்துள்ளனர்.
மாணவிகளின் நிலைமை கவலைக்கிடைமாக இல்லை என வைத்தியசாலை வட்டாரங்கள் தெரிவித்துள்ளன.
