மட்டக்களப்பு மாவட்ட பட்டதாரிகள் முன்னெடுத்துள்ள போராட்டம், 5வது நாளாக நேற்று(06)
இடம்பெற்றது.
காந்திபூங்காவில் உள்ள, படுகொலை செய்யப்பட்ட ஊடகவியலாளர்களின் நினைவுத் தூபிக்கு முன்பாக இப் போராட்டம் இடம்பெற்று வருகிறது.
பட்டங்களைப் பெற்றும், தமது தொழில் உரிமை மறுக்கப்படுவதாக போராட்டக்காரர்கள் கவலை வெளியிட்டுள்ளனர்.
பல்வேறு கோசங்களைத் தாங்கிய பதாதைகளையும் போராட்டக்காரர்கள் தாங்கியுள்ளதை அவதானிக்க முடிகிறது.
5நாட்களாக நாம் இங்கு உள்ளோம் எமது பிரச்சினை தொடர்பில் இதுவரை யாரும் கவணம் செலுத்தவில்லை, வறுமையில் படித்து பட்டம் பெற்றோம் என கருத்து தெரிவித்தனர்.
ஏனைய மாவட்டங்களில் வேலையற்ற பட்டதாரிகளுக்கு நியமனங்கள் வழங்கப்படும் நிலையில் கிழக்கு மாகாணத்தில் மட்டும் நியமனங்கள் வழங்கப்படாத நிலை காணப்படுவதாகவும் இது தொடர்பாக கிழக்கு மாகாண ஆளுனர் உட்பட அரசாங்கம் கவனம் செலுத்தவேண்டும் என்றும் போராட்டத்தில் ஈடுபட்ட வேலையற்ற பட்டதாரிகள் வலியுறுத்தியிருந்தனர்.
