இந்தியாவில் இருந்து சட்டவிரோதமாக கொண்டுவரப்பட்ட 50 இலட்சம் ரூபாவிற்கு பெறுமதியான மஞ்சளுடன் இரண்டு சந்தேகநபர்கள் கைது செய்யப்பட்டுள்ளதாக கடற்படையினர் தெரிவித்துள்ளனர்.
குறித்த சம்பவமானது நேற்று (2024.07.10) இடம் பெற்றுள்ளதாக குறிப்பிட்டுள்ளனர்.
கைது செய்யப்பட்ட சந்தேக நபர்களுடன் மஞ்சள் சரக்குகளையும் புத்தளம் பொலிஸ் தலைமையகத்தில் ஒப்படைக்க ஏற்பாடுகள் செய்யப்பட்டுள்ளன.
இந்தியாவில் இருந்து சட்டவிரோதமாக கடல் மார்க்கமாக கொண்டு வரப்பட்ட இந்த மஞ்சள் சரக்கு வாசல்பாடு கடற்கரையில் குவிக்கப்பட்டுள்ளது.
அவற்றை லொறிகளில் வேறு பகுதிக்கு கொண்டு செல்வதற்கான ஏற்பாடுகள் நடைபெற்று வருவதாக கூறப்படுகிறது.
வடமேற்கு கடற்படை கட்டளைக்கு உட்பட்ட தம்பபன்னி கடற்படை முகாமின் அதிகாரிகளினால் இந்த சுற்றிவளைப்பு மேற்கொள்ளப்பட்டுள்ளதாக குறிப்பிடப்பட்டுள்ளது
