குழந்தையை கிணற்றில் வீசி கொலை செய்த தாய் கைது!

நான்கு வயது சிறுமியின் மரணம் தொடர்பில் தாய் கைதுசெய்யப்பட்டுள்ளார். ருவன்வெல்ல பொலிஸ் பிரிவுக்குட்பட்ட யட்டியந்தொட்ட பகுதியில் உயிரிழந்த சிறுமியின் தாயார் அவரை கிணற்றில் வீசி கொலை செய்துள்ளதாக விசாரணைகளில் தெரியவந்துள்ளது.

சிறுமி கிணற்றில் வீழ்ந்து உயிரிழந்துள்ளதாக நேற்றை தினம் (17) ருவன்வெல்ல பொலிசாருக்கு கிடைக்கப்பெற்ற தகவலுக்கமைய விசாரணைகள் முன்னெடுக்கப்பட்டன. நான்கு வயது 10 மாதங்களான கிரிபோருவ தோட்டத்தில் வசிக்கும் தெவ்மி அமாயா என்ற சிறுமியே இவ்வாறு உயிரிழந்துள்ளார்.

இந்த கொலை கடந்த 16ம் திகதி நள்ளிரவு அல்லது 17ம் திகதி அதிகாலை இடம்பெற்றிருக்கலாமென பொலிசார் தெரிவித்துள்ளனர். சிறுமியின் தாய் அவரை கிணற்றில் வீசியுள்ளமை விசாரணைகளில் தெரியவந்துள்ளது.

தாய் வாய் பேச முடியாதவர் எனவும் அவர் சுகயீனமடைந்துள்ளதால் கரவனெல்ல வைத்தியசாலையில் பொலிஸ் பாதுகாப்பில் சிகிச்சைகளுக்கு உட்பட்டுள்ளார். ருவன்வெல்ல பொலிசார் மேலதிக விசாரணைகளை முன்னெடுத்துள்ளனர்.