களுத்துறை பகுதியில் போதைமாத்திரைகளுடன் நபர் ஒருவர் கைது!

பிரபல போதைப்பொருள் கடத்தல்காரரான “கித்துலாவ பபி” களுத்துறை பொலிஸ் குற்றத்தடுப்பு பிரிவினரால் கித்துலாவ பகுதியில் வைத்து கைது செய்யப்பட்டுள்ளார்.

பாடசாலை மாணவர்களுக்கு போதைப்பொருள் விற்பனை செய்யபப்படுவதாக களுத்துறை பொலிஸ் குற்றத்தடுப்பு பிரிவினருக்கு கிடைத்த தகவலுக்கமைய மேற்கொள்ளப்பட்ட சுற்றிவளைப்பில் குறித்த சந்தேக நபர் கைது செய்யப்பட்டுள்ளார்.

குறித்த சந்தேக நபரிடமிருந்து ஆயிரம் போதை மாத்திரைகள் கைப்பற்றப்பட்டுள்ளதுடன் ஒரு போதை மாத்திரையை 300 ரூபாவுக்கு விற்பனை செய்யப்படுவதாகவும் தெரியவந்துள்ளது.

இவ்வாறு கைது செய்யப்பட்ட சந்தேக நபரை, களுத்துறை நீதவான் நீதிமன்றில் முன்னிலைப்படுத்த நடவடிக்கை எடுக்கப்பட்டுள்ளது.