போதைப்பொருளிருந்து இன்றைய சமுகத்தைப் பாதுகாப்பது தொடர்பில் மட்டக்களப்பு மாவட்ட ஊடகவிய லாளர்களைத் தெளிவுபடுத்தும் நிகழ்வு நேற்று (25) மண்முனை வடக்குப் பிரதேச செயலக டேபா மண்டபத்தில் இடம்பெற்றது.
மட்டக்களப்பு மாவட்ட போதைப்பொருள் முற்தடுப்பு சமுதாய உத்தியோகத்தர் ப.தினேஷின் ஏற்பாட்டில் மாவட்டத்தில் போதைப்பொருள் முற்தடுப்பை மேற்கொள்ளும் நிகழ்வு ஏற்பாடு செய்யப்பட்டிருந்தது.
இந்நிகழ்வில் தெரிவு செய்யப்பட்ட 20 ஊடகவியலாளர்கள் கலந்து கொண்டனர்.
கிராம, பிரதேச மட்டத்தில் போதைப்பொருள் பாவனையைத் தடுப்பதற்குத் தேவையான விழிப்புணர்வுகளை ஊடகவியலாளர்கள் மேற்கொள்ள வேண்டியதன் அவசியம் தொடர்பாக இதன்போது எடுத்துரைக்கப்பட்டதுடன், போதைப் பொருள் பாவனையால் சமூகத்தில் ஏற்படும் பாதிப்புக்கள் தொடர்பாக விரிவாக கலந்துரையாடப்பட்டது.
இந்நிகழ்வில் வளவாளராக மதுசாரம் மற்றும் போதைப்பொருள் தகவல் நிலைய சிரேஷ்ட நிகழ்ச்சித் திட்ட அதிகாரி ஏ.சி.றஹீம் கலந்து கொண்டு போதைப்பொருள் பாவனை தொடர்பாக பல்வேறு ஆதாரங்களுாடாக தெளிவூட்டல்கள் வழங்கப்பட்டமை குறிப்பிடத்தக்கதாகும்.
