மட்டக்களப்பு பட்டிருப்பு வலயக் கல்விப் பணிமனைக்குட்பட்ட பாடசாலைகளில் தரம் 3 இல் கல்வி கற்பிக்கும் ஆசிரியர்களுக்கான விசேட வழிகாட்டல் விழிப்புணர்வு செயலமர்வு நேற்று (14) இடம்பெற்றது.
பட்டிருப்பு வலயக் கல்விப் பணிப்பாளர் எஸ்.புவனேந்திரனின் வழிகாட்டலில் முகாமைத்துவத்திற்கு பொறுப்பான பிரதிக் கல்விப்பணிப்பாளர் எஸ்.தட்சிணாமூர்த்தி தலைமையில் செயலமர்வு நடைபெற்றது.
வளவாளர்களாக முறைசாராக் கல்வி பிரிவு இணைப்பாளர் திருமதி.றீ.கலைச்செல்வன் மற்றும் வழிகாட்டல் ஆலோசனை ஆசிரிய ஆலோசகர் பா.துஸ்யந்தன் ஆகியோர் கலந்து கொண்டனர்.
செயலமர்வில் கற்றல் இடர்பாடுடைய, மெல்லக் கற்கும் மாணவர்களை இனங்காணுதல் அவர்களுக்கான பரிகாரக் கற்பித்தல் செயற்பாடுகளை மேற்கொள்ளல், வகுப்பறை முகாமைத்துவம், கற்றல் கற்பித்தல் நுட்பங்கள், தொழிநுட்பம் என்பன தொடர்பில் விளக்கமளிக்கப்பட்டமை குறிப்பிடத்தக்கது.
