முல்லைத்தீவில் புதையல் தோண்ட முற்பட்ட மூவர் கைது!

முல்லைத்தீவு புதுமாத்தளன் பகுதியில் புதையல் தோண்ட முற்பட்ட மூவர் இன்றையதினம்(19.06.2023) முல்லைத்தீவு பொலிஸாரால் கைது செய்யப்பட்டுள்ளனர்.

புதுமாத்தளன் பகுதியில் புதையல் தோண்டுவதற்காக, பூஜை செய்வதற்கு பூஜைக்குரிய பொருட்களுடன் மண்வெட்டி போன்ற ஆயுதங்களை கொண்டு ஆயத்த நடவடிக்கைகளை மேற்கொண்டுள்ள நிலையில் அவர்கள் கைது செய்யப்பட்டுள்ளனர்.

முல்லைத்தீவு பொலிஸாருக்கு கிடைக்கப்பெற்ற இரகசிய தகவலின் அடிப்படையில் அவர்கள் மூவரும் கைது செய்யப்பட்டுள்ளனர்.

அத்துடன், அங்கிருந்த சான்று பொருட்களையும் பொலிஸார் கைப்பற்றியுள்ளதுடன் கைது செய்யப்பட்ட சந்தேகநபர்களை நீதிமன்றில் முன்னிலைப்படுத்த நடவடிக்கை மேற்கொண்டுள்ளனர்.