கட்டுநாயக்க சர்வதேச விமான நிலையத்தில் சட்டவிரோதமான வெளிநாட்டு சிகரெட்டுகளுடன் நபரொருவர் கைது செய்யப்பட்டுள்ளார்.
22 இலட்சம் ரூபா பெறுமதியான வெளிநாட்டு சிகரெட்டுகளை இலங்கைக்கு கொண்டு வந்த நபரொருவரே இவ்வாறு கைது செய்யப்பட்டுள்ளார்.
கட்டுநாயக்க விமான நிலையத்திலிருந்து சிகரெட்டுக்களை எடுத்துச் செல்ல முற்பட்ட போதே சுங்க அதிகாரிகளால் அவர் கைது செய்யப்பட்டுள்ளார்.
இச்சம்பவத்தில் கைது செய்யப்பட்டவர் பன்னிபிட்டிய பிரதேசத்தில் வசிக்கும் 44 வயதான வர்த்தகர் என தெரிவிக்கப்படுகின்றது.
கைது செய்யப்பட்ட சந்தேக நபர் அபுதாபியிலிருந்து விமான நிலையத்திற்கு வந்ததாகவும், அவரிடமிருந்து 21,600 வெளிநாட்டு சிகரெட்டுகள் பறிமுதல் செய்யப்பட்டுள்ளமை குறிப்பிடத்தக்கது.
