மட்டக்களப்பு மாவட்ட சிவில் பிரஜைகள் ஒருங்கிணைப்புக் குழுவின் தலைவர் திரு.வி.திருணாவுக்கரசு அவர்களின் ஏற்பாட்டில் சிங்கள டிப்ளோமா பாடத்திட்டத்தில் தகைமை பெற்ற 350 மாணவர்களுக்கான சான்றிதழ் வழங்கும் நிகழ்வு நேற்று (31) சந்திவெளி நிடிஸ் கலாசார மண்டபத்தில் இடம்பெற்றது.
இந்நிகழ்வில் கிழக்கு கட்டளை தளபதி இந்த விழாவின் பிரதம விருந்தினராகவும், RWP RSP VSV USP PSC என மூத்த அதிகாரிகளும் கலந்து கொண்டனர்.
மேலும், 23ஆம் பிரிவு தளபதிகள், பிரதேச செயலாளர்கள், சிரேஷ்ட இராணுவ அதிகாரிகள், பொலிஸ் அதிகாரிகள் மற்றும் சிவில் அமைப்புகளின் பிரதிநிதிகள் ஆகியோர் கௌரவ அதிதிகளாக கலந்து கொண்டனர்.
கல்வி அமைச்சிலிருந்து திரு. எஸ். ஸ்ரீதரன் “மொழியின் மூலம் ஒற்றுமை” என்ற தொனிப்பொருளில் இளைஞர்களுக்கு மொழியின் முக்கியத்துவம் குறித்து மிக முக்கியமான விரிவுரையை ஆற்றினார்.
மேலும் விழாவின் முக்கியத்துவம், சமுதாயத்தில் ஒரு மொழியின் பணி மற்றும் மோதல்களை சரியான தொடர்பு மூலம் எவ்வாறு தீர்க்கலாம் என்பது குறித்து கிழக்கு தளபதி அர்த்தமுள்ள உரையை நிகழ்த்தினார்.
இதன்போது மட்டக்களப்பு மாவட்ட சிவில் ஒருங்கிணைப்புக் குழுவின் பிரதம செயலாளரும் பயிற்சி ஆலோசகருமான ஹயாது மொஹமட் அன்வர் கிழக்கு கட்டளைத் தளபதியினால் பாராட்டப்பட்டார்.
மேலும் நிகழ்ச்சியில் கிழக்குப் பாதுகாப்பு படைத் தளபதி கருத்துத் தெரிவிக்கையில், சிங்களம் பேசும் மாணவர்கள் மற்றும் அரச அதிகாரிகள் தமிழ் மொழியைக் கற்கும் வாய்ப்பை உருவாக்குவது தனது நம்பிக்கையாகும். என்று மேலும் தெரிவித்தார்.
